fös 26.nóv 2021
Umspilið fyrir HM: Ítalía og Portúgal verða ekki bæði í Katar
Í dag var dregið í evrópska HM umspilið. Tólf lið berjast um þrjú laus sæti á HM í Katar. Undanúrslitaleikirnir sex verða 24. og 25. mars á komandi ári. Úrslitaleikirnir þrír 28. og 29. mars.

Leið eitt - Undanúrslit:
Skotland - Úkraína
Wales - Austurríki (sigurvegari fær heimaleik í úrslitum)

Leið tvö - Undanúrslit:
Rússland - Pólland (sigurvegari fær heimaleik í úrslitum)
Svíþjóð - Tékkland

Leið þrjú - Undanúrslit:
Ítalía - Norður Makedónía
Portúgal - Tyrkland (sigurvegari fær heimaleik í úrslitum)

Evrópumeistarar Ítalíu eru í sömu leið og Cristiano Ronaldo og félagar í Portúgal. Þau landslið gætu því mæst í hreinum úrslitaleik í Portúgal um sæti á HM. Ljóst er að bæði lið verða ekki á HM.