sun 28.nóv 2021
Championship: Brewster og Sharp sáu um Bristol
Brewster í leik gegn Liverpool.
Sheffield Utd 2 - 0 Bristol City
1-0 Rhian Brewster ('40 )
2-0 Billy Sharp ('90)

Eini leikur dagsins í Championship deildinni fór fram í Sheffield í dag en þá áttust við Sheffield United og Bristol City.

Liðin eru á svipuðum slóðum í deildinni en fyrir leikinn í dag þá voru þau jöfn að stigum í 18 og 19 sæti deildarinnar.

Gamli Liverpool leikmaðurinn Rhian Brewster skoraði fyrra mark leiksins í dag en það kom seint í fyrri hálfleiknum. Hann skoraði þá eftir sendingu frá Enda Stevens.

Það var svo gamla kempan Billy Sharp sem gulltryggði sigur Sheffield með marki í uppbótartímanum. Góður 2-0 sigur Sheffield því staðreynd.

Með sigrinum fer Sheffield upp í þrettánda sæti deildarinnar á meðan Bristol er í því átjánda.