fim 02.des 2021
Shaw, Matic og Wan-Bissaka sáust ekki mæta á liðshótelið
Wan-Bissaka
Luke Shaw
Mynd: EPA
Michael Carrick stýrir sínum þriðja og síðasta leik sem bráðabirgðastjóri Manchester United í kvöld þegar Arsenal kemur í heimsókn á Old Trafford.

Tveir leikmenn úr byrjunarliði United sáust ekki mæta á liðshótel United í dag. Það eru þeir Aaron Wan-Bissaka og Nemanja Matic. Luke Shaw sást þá ekki heldur en hann hefur glímt við höfuðmeiðsl og þeir Edinson Cavani, Raphael Varane og Paul Pogba eru enn ekki klár í slaginn.

Hins vegar er Mason Greenwood klár í slaginn og gæti tekið þátt í leiknum í kvöld. Harry Maguire snýr þá aftur eftir leikbann. Amad Diallo er í hópnum og eins og gegn Chelsea gæti Phil Jones verið í leikmannahópnum.

Þess má geta að ljósmyndarar gætu hafa misst af leikmönnum mæta á hótelið og því alls ekki víst hvort að þeir Wan-Bissaka og Matic verði ekki með í kvöld.

Leikurinn gegn Arsenal hefst klukkan 20:15.

Myndir af þessum náðust við liðshótelið (21):
Markmenn: De Gea, Heaton, Henderson
Varnarmenn: Bailly, Dalot, Jones, Lindelof, Maguire, Telles
Miðjumenn: Fernandes, Fred, Mata, McTominay, Van de Beek
Sóknarmenn: Amad, Greenwood, Lingard, Martial, Rashford, Ronaldo, Sancho