fös 03.des 2021
England um helgina - Útileikir hjá toppliðunum og frumraun Rangnick
Ralf Rangnick stýrir Man Utd í fyrsta sinn
Chelsea spilar við West Ham
Mynd: EPA
Öll þrjú toppliðin í ensku úrvalsdeildinni spila á útivelli í 15. umferðinni og þá stýrir Ralf Rangnick sínum fyrsta leik með Manchester United.

Topplið Chelsea heimsækir West Ham í Lundúnarslag í hádegisleiknum. Þrír leikir eru spilaðir klukkan 15:00 en þar tekur Wolves á móti Liverpool.

Jóhann Berg Guðmundsson verður væntanlega í liði Burnley sem spilar við botnlið Newcastle. Southampton og Brighton eigast þá við í hörkuleik. Lokaleikur laugardagsins er leikur Watford og Manchester City.

Á sunnudag eru þrír leikir klukkan 14:00. Ralf Rangnick verður á hliðarlínunni er Manchester United spilar við Crystal Palace á Old Trafford. Leeds mætir Brentford og Norwich fer í heimsókn til Tottenham.

Aston Villa og Leicester eigast svo við í lokaleik helgarinnar.

Leikir helgarinnar:

Laugardagur:
12:30 West Ham - Chelsea
15:00 Newcastle - Burnley
15:00 Southampton - Brighton
15:00 Wolves - Liverpool
17:30 Watford - Man City

Sunnudagur:
14:00 Leeds - Brentford
14:00 Man Utd - Crystal Palace
14:00 Tottenham - Norwich
16:30 Aston Villa - Leicester