mán 17.jan 2022
[email protected]
FIFA heiðraði stuðningsmenn Finnlands og Danmerkur
 |
| Finnsku stuðningsmennirnir |
Eins og fótbolti.net greindi frá fyrr í kvöld fékk læknateymi danska landsliðsins verðlaun fyrir aðbjarga lífi Christian Eriksen leikmanns landsliðsins er hann fór í hjartastopp í leik liðsins á EM í sumar.
Leikurinn var grannaslagur milli Dannmerkur og Finnlands en það var eðlilega mikil geðshræring í öllum sem voru á vellinum.
Stuðningsmenn Finnlands og Dannmerkur fengu viðurkenningu á verðlaunahátíð FIFA í kvöld.
Stuðningsmenn Finnlands tóku upp á því að öskra nafnið 'Christian' og dönsku stuðningsmennirnir fylgdu strax á eftir og öskruðu 'Eriksen'. Það var algjört gæsahúðaraugnablik á þessum erfiðu tímum.
„Ég vil þakka finnsku stuðningsmönnunum sem sýndu stuðning og bjuggu til þetta andrúmsloft, þetta var fullkomið á svona erfiðri stundu," sagði fulltrúi dönsku stuðningsmannana.
|
