mið 26.jan 2022
Mbeumo skrifaði undir nýjan samning - Stór félög fylgjast með honum
Bryan Mbeumo hefur skrifað undir nýjan fjögurra og hálfs árs samning við Brentford.

Mbeumo hefur vakið athygli á tímabilinu og hafa stór félög fylgst með honum eftir að Brentford fór upp í úrvalsdeildina.

Samningurinn við Brentford gildir fram á sumarið 2026.

Hann hefur skorað þrjú mörk og lagt upp önnur þrjú í tuttugu leikjum í úrvalsdeildinni. Þá skoraði hann þrennu í bikarsigri á Port Vale fyrr í þessum mánuði.

Mbeumo er 22 ára gamall Frakki sem spilar oftast sem kantmaður eða fyrir aftan fremsta mann. Hann kom frá Troyes í Frakklandi fyrir tímabilið 2019-20.