Mynd: Getty Images

Lokaumferð þýsku Bundesligunnar er spiluð í dag en allir níu leikirnir eru spilaðir klukkan 13:30. Fyrir umferðina er Bayern Munchen búið að tryggja sér meistaratitilinn.

Baráttan er þó hörð um Meistaradeildarsæti en RB Leipzig, Freiburg og Union Berlin gera sér vonir um fjórða sætið.

Leipzig heimsækir Arminia Bielefeld sem er í raun fallið fyrir umferðina en getur með stórsigri gert sér vonir um 16. sætið sem gefur umspilsleik um að halda sætinu í efstu deild.

Freiburg fær erfiðan leik gegn Bayer Leverkusen á sama tíma en Leverkusen er í þriðja sæti og er búið að tryggja sæti sitt í deild þeirra bestu. Union Berlin spilar heima við Bochum sem situr um miðja deild og hefur litlu að keppa.

Í fallbaráttunni getur Stuttgart bjargað sér með sigri á Köln en verður að treysta á að Hertha Berlin tapi gegn Dortmund á sama tíma. Þrjú stig skilja liðin að en Stuttgart er með mun betri markatölu.

Alfreð Finnbogason og hans félagar í Augsburg eru öruggir og spila við Greuther Furth heima sem er nú þegar fallið.

GERMANY: Bundesliga
13:30 Dortmund - Hertha
13:30 Wolfsburg - Bayern
13:30 Leverkusen - Freiburg
13:30 Union Berlin - Bochum
13:30 Gladbach - Hoffenheim
13:30 Stuttgart - Köln
13:30 Mainz - Eintracht Frankfurt
13:30 Augsburg - Greuther Furth
13:30 Arminia Bielefeld - RB Leipzig