Sky Sports hefur gefið Roberto Firmino heiðurinn á að vera valinn maður leiksins eftir flottan sigur Liverpool gegn Southampton í enska boltanum fyrr í kvöld.

Liverpool mætti til leiks með hálfgert varalið þar sem Jürgen Klopp ákvað að hvíla lykilmenn og gerði níu breytingar á byrjunarliðinu sem vann í úrslitaleik enska bikarsins um helgina.

'Varaliðið' heimsótti því Southampton og stjórnaði leiknum frá fyrstu mínútu. Lokatölur urðu 1-2 fyrir Liverpool.

Firmino var öflugur í fremstu víglínu Liverpool þar sem hann gaf varnarmönnum heimamanna aldrei frið og barðist eins og ljón allan tímann.

Firmino fær 8 í einkunn fyrir sinn þátt í sigrinum á meðan flestir liðsfélagar hans fá 7.

Verstu menn vallarins voru Alex McCarthy og Kyle Walker-Peters, markvörður og hægri bakvörður heimamanna, með 5 í einkunn.

Southampton: McCarthy (5), Walker-Peters (5), Lyanco (6), Stephens (6), Salisu (6), Tella (6), Redmond (7), Ward-Prowse (7), Diallo (6), Broja (6), Elyounoussi (6).
Varamenn: S. Armstrong (6), C. Adams (6)

Liverpool: Alisson (6), Gomez (6), Konate (7), Matip (7), Tsimikas (7), Jones (7), Elliott (7), Milner (7), Minamino (7), Jota (7), Firmino (8).
Varamenn: Henderson (7), Origi (6), Keita (6)