Nottingham Forest komst í úrslitaleik umspilsins um sæti í ensku úrvalsdeildinni með sigri eftir vítaspyrnukeppni gegn Sheffield United í gærkvöldi.

Brice Samba markvörður Nottingham var hetjan þar sem hann varði tvisvar frábærlega í leiknum áður en komið var í vítakeppnina. Þar gerði hann sér lítið fyrir og varði þrjár spyrnur af fjórum frá Sheffield.

Stuðningsmenn Nottingham voru snöggir að hlaupa inn á völlinn til að fagna með leikmönnum að leikslokum og má sjá skemmtilegt myndband af því hér fyrir neðan.

Hægt er að sjá magnaða vörslu á 115. mínútu með að smella hér.

Hægt er að sjá vítakeppnina með að smella hér.

Nottingham mætir Huddersfield Town í úrslitaleiknum sunnudaginn 29. maí.