mið 08.jún 2022
Mane með sigurmark á 98. mínútu
Sadio Mane.
Afríkumeistarar Senegal fara vel af stað í undankeppni Afríkukeppninnar og í gær vann liðið 1-0 sigur á Rúanda þar sem Sadio Mane, leikmaður Liverpool, skoraði eina markið úr vítaspyrnu á 98. mínútu.

Þetta er í annað sinn á árinu sem Mane skorar sigurmark í landsleik af vítapunktinum djúpt í uppbótartímanum en hann tryggði sigur á 97. mínútu gegn Simbabve í opnunarleik Afríkukeppninnar. Þá skoraði hann sigurmarkið í úrslitaleiknum í vítaspyrnukeppni.

Senegal hefur unnið fyrstu tvo leiki sína í undankeppni Afríkukeppninnar en Mane skoraði þrennu gegn Benín um helgina.

Úrslit gærdagsins í undankeppni Afríkukeppninnar:
Esvatíní - Búrkína Fasó 1-3
Grænhöfðaeyjar - Tógó 2-0
Sambía - Kómoreyjar 2-1
Rúanda - Senegal 0-1
Miðbaugs-Gínea - Líbía 2-0