mán 25.júl 2022
Ætlar að klára ferilinn á Ítalíu - Lazio og Inter áhugasöm
Dries Mertens vill spila áfram á Ítalíu
Dries Mertens verður ekki áfram hjá Napoli en hann hafnaði samningstilboði félagsins um að vera áfram. Belgíski framherjinn vill þó taka eitt tímabil á Ítalíu áður en hann leggur skóna á hlluna.

Mertens eyddi níu árum af ferlinum hjá Napoli en ákvað að vera ekki áfram hjá félaginu þrátt fyrir að það hafi boðið honum 2,4 milljónir evra í árslaun.

Framherjinn, sem er 35 ára, hefur ákveðið að leggja skóna á hilluna eftir næsta tímabil og er því opinn fyrir því að ganga til liðs við annað félag á Ítalíu áður en hann kallar þetta gott.

Lazio og Inter hafa áhuga á Mertens og eru að skoða möguleikann á að fá hann.

Mertens myndi henta Maurizio Sarri og félögum í Lazio vel í 4-3-3 leikkerfinu á meðan Inter er að hugsa um að hafa hann í fremstu víglínu með Romelu Lukaku.

Inter getur hins vegar ekki fengið hann fyrr en félagið nær samkomulagi við Alexis Sanchez um riftun á samningi.