þri 02.ágú 2022
Tveir úr Bestu deildinni úrskurðaðir í bann
Ernir verður í banni gegn sínu fyrrum félagi.
Tveir leikmenn í Bestu deild karla voru úrskurðaðir í eins leiks bann á fundi aganefndar í dag. Þeir fara í leikbann vegna uppsafnaðra áminninga.

Adolf Daði Birgisson í Stjörnunni verður í banni þegar Garðabæjarliðið heimsækir Fram á morgun.

Ernir Bjarnason, miðjumaður Keflavíkur, tekur út bann á mánudag þegar Keflavík heimsækir hans fyrrum félag, Leikni í Breiðholti.

Í Lengjudeildinni voru þeir Arnar Þór Helgason og Luke Rae í Gróttu og þrír leikmenn KV; Njörður Þórhallsson, Samúel Már Kristinsson og Þorsteinn Örn Bernharðsson, dæmdir í eins leiks bann vegna uppsafnaðra áminninga.

Þá fékk Silas Songani í Vestra eins leiks bann vegna brottvísunar í leik gegn Þrótti Vogum.