lau 06.ágú 2022
England í dag - Nýliðarnir fá Liverpool í heimsókn
Byrjar Darwin Nunez gegn Fulham?
Fyrsta umferð ensku úrvalsdeildarinnar heldur áfram í dag með fimm leikjum en Liverpool heimsækir nýliða Fulham á Craven Cottage í hádegisleiknum.

Liverpool hafnaði í 2. sæti deildarinnar á síðustu leiktíð og var í baráttunni um Englandsmeistaratitilinn alveg fram að lokaumferðinni. Lærisveinar Jürgen Klopp eru nú klárir í annan slag og mun þetta verkefni reynast erfitt fyrir Fulham sem vann B-deildina á síðasta tímabili.

Leeds spilar við Wolves á Elland Road klukkan 14:00 en þrír aðrir leikir eru á sama tíma. Newcastle spilar við nýliða Nottingham Forest og þá fer Steven Gerrard með lærisveina sína í Aston Villa til Bournemouth.

Tottenham Hotspur spilar við Southampton áður en Everton og Chelsea eigast við í lokaleik dagsins.

Leikir dagsins:
11:30 Fulham - Liverpool
14:00 Leeds - Wolves
14:00 Newcastle - Nott. Forest
14:00 Bournemouth - Aston Villa
14:00 Tottenham - Southampton
16:30 Everton - Chelsea