mið 14.sep 2022
[email protected]
Voru jafnir fyrir kvöldið en nú á Messi metið
 |
| Lionel Messi |
Lionel Messi, leikmaður Paris Saint-Germain, á nú metið yfir að hafa skorað gegn flestum liðum í Meistaradeild Evrópu.
Messi skoraði jöfnunarmark PSG gegn Maccabi Haifa frá Ísrael í riðlakeppninni í kvöld en hann hefur nú skorað gegn 39 mismunandi liðum í keppninni.
Fyrir kvöldið var hann og Cristiano Ronaldo skorað gegn 38 liðum en markið hjá Messi þýðir að hann hefur tekið fram úr Ronaldo.
Messi er enn fjórtán mörkum á eftir Ronaldo yfir flest mörk í keppninni frá upphafi en hann getur svo sannarlega saxað á þá forystu í vetur.
Ronaldo mun spila í Evrópudeildinni með Manchester United á þessari leiktíð, en það er í fyrsta sinn á ferlinum sem hann spilar ekki í Meistaradeild Evrópu.
|
