Nökkvi Þeyr og Þorri Mar árið 2019

Nökkvi Þeyr Þórisson sló í gegn með KA í sumar en hann var seldur til Beerschot í Belgíu á dögunum.

Nökkvi spilaði vinstra megin í þriggja manna framlínu og skoraði ófá mörkin með því að 'kötta' inn og skrúfa boltann í fjærhornið.

Þorri Mar Þórisson, tvíburabróðir Nökkva spilaði mikið fyrir aftan hann í vinstri bakverðinum í sumar. Nökkvi var í viðtali í Innkastinu á dögunum þar sem hann talaði um það hvernig væri að spila með bróður sínum.

„Það er besta tilfinning í heimi að spila með bróður sínum. Það er eitthvað sem maður er stoltastur af, að spila með bróður sínum í efstu deild með KA í toppbaráttu, það er eitthvað sem maður mun varðveita," sagði Nökkvi.