Agla María Albertsdóttir

Breiðablik 3 - 0 Afturelding
1-0 Írena Héðinsdóttir Gonzalez ('52)
2-0 Agla María Albertsdóttir ('70)
3-0 Agla María Albertsdóttir ('82)

Breiðablik heldur örlitlu lífi í toppbaráttunni eftir 3-0 sigur á Aftureldingu í kvöld. Breiðablik er sex stigum á eftir toppliði Vals þegar tvær umferðir eru eftir.

Afturelding er hins vegar í erfiðum málum þar sem liðið er í fallsæti, fjórum stigum frá öruggu sæti.

Breiðablik var með mikla yfirburði í kvöld en náði ekki að brjóta ísinn fyrr en í upphafi síðari hálfleiks þegar Írena Héðinsdóttir Gonzalez kom boltanum í netið.

Agla María Albertsdóttir bætti tveimur mörkum við áður en flautað var til leiksloka.