sun 25.sep 2022
Zlatan með hlutverk í bíómynd um Ástrík og Steinrík

Sænska goðsögnin Zlatan Ibrahimovic, sem er samningsbundinn Ítalíumeisturum AC Milan þrátt fyrir að eiga 41 árs afmæli eftir viku, er með hlutverk í nýrri bíómynd sem er sýnd í kvikmyndahúsum í Frakklandi.



Bíómyndin er frönsk og fjallar um Ástrík og Steinrík, Gaulverjana frægu sem drukku töfraseyði og vörðust stöðugum árásum Rómverja sem voru með hinn sögufræga Júlíus Cæsar í forystu.

Zlatan hefur aldrei farið með stórt leikið hlutverk í bíómynd áður en hérna bregður hann sér í hlutverk rómverska leiðtogans 'Oneofus', eða 'Einnafokkur' í íslenskri þýðingu. 

Zlatan, sem er með svarta beltið í taekwondo, kemur fyrir eftir 57 sekúndur af stiklunni.