fim 29.sep 2022
Sjáðu mörkin: Dagný og Sara skoruðu báðar
Dagný og Sara.
Landsliðskonurnar Dagný Brynjarsdóttir og Sara Björk Gunnarsdóttir voru báðar á skotskónum í gær.

Sara, sem heldur upp á afmæli í dag, skoraði er Juventus vann sigur HB Köge í forkeppni Meistaradeildarinnar. Sara kom Juventus yfir í leiknum en þetta var fyrsta mark hennar fyrir sitt nýja félag.

Hægt er að sjá markið sem Sara skoraði eftir ellefu mínútna leik hér fyrir neðan.

Þá skoraði Dagný Brynjarsdóttir einnig í gærkvöldi, en hún kom West Ham yfir gegn Englandsmeisturum Chelsea í ensku úrvalsdeildinni. Leikurinn endaði þó með 1-3 sigri Chelsea.

Dagný hefur farið afar vel af stað í deildinni á þessari leiktíð en mark hennar er hér fyrir neðan.

Bæði Dagný og Sara eru í íslenska landsliðshópnum sem tekur þátt í umspilinu fyrir HM í næsta mánuði.