sun 02.okt 2022
Bruno Lage rekinn frá Wolves (Staðfest)
Bruno Lage
Portúgalski stjórinn Bruno Lage var í dag látinn taka poka sinn hjá Wolves en þetta kemur fram í yfirlýsingu frá félaginu.

Lage tók við Wolves fyrir fimmtán mánuðum eftir að Nuno Espirito Santo yfirgaf félagið.

Wolves hafnaði í 10. sæti á fyrsta tímabili Lage en byrjunin á þessu tímabili hefur verið alger martröð.

Liðið hefur aðeins unnið einn leik af fyrstu átta og er þá í 18. sæti deildarinnar.

Það var 2-0 tapið gegn West Ham í gær sem fyllti mælinn og eftir fund stjórnar var ákveðið að reka Lage.

Wolves tilkynnti það í dag en Steve Davis og James Collins stýra liðinu í næsta deildarleik gegn Chelsea.