sun 02.okt 2022
Þýskaland: Augsburg bjargaði andliti - Stórsigur hjá Glódísi
Augsburg vann góðan sigur á Schalke
Glódís var í sigurliði í dag
Mynd: Getty Images

Augsburg var næstum því búið að kasta frá sér sigrinum er liðið vann Schalke, 3-2, í þýsku deildinni í dag.

Ermedin Demirovic kom Augsburg í 2-0 á rúmum tuttugu mínútum áður en Simon Terodde minnkaði muninn á 33. mínútu.

Tom Krauss jafnaði fyrir Schalke þegar hálftími var eftir og þá fékk Mergim Berisha að líta rauða spjaldið í liði Augsburg nokkrum mínútum síðar. Augsburg gafst hins vegar ekki upp og kom sigurmarkið þrettán mínútum fyrir leikslok en þar var Andre Hahn að verki.

Hertha Berlín og Hoffenheim gerðu 1-1 jafntefli. Króatíski framherjinn Andrej Kramaric skoraði á 25. mínútu en Dodi Lukebakio jafnaði fyrir Herthu Berlín tólf mínútum síðar og þar við sat.

Íslenska landsliðskonan Glódís Perla Viggósdóttir spilaði allan leikinn fyrir Bayern München sem vann 4-0 stórsigur á Duisburg í kvennadeildinni í dag. Bayern hefur unnið tvo leiki og gert eitt jafntefli í fyrstu þremur leikjunum.

Karólína Lea Vilhjálmsdóttir og Cecilía Rán Rúnarsdóttir voru fjarri góðu gamni í dag. Bayern er tveimur stigum á eftir toppliði Wolfsburg.

Úrslit og markaskorarar:

Hertha 1 - 1 Hoffenheim
0-1 Andrej Kramaric ('25 )
1-1 Dodi Lukebakio ('37 )

Schalke 04 2 - 3 Augsburg
0-1 Ermedin Demirovic ('9 )
0-2 Ermedin Demirovic ('21 )
1-2 Simon Terodde ('33 )
2-2 Tom Krauss ('63 )
2-3 Andre Hahn ('77 )
Rautt spjald: Mergim Berisha, Augsburg ('70)