sun 02.okt 2022
Ítalía: Lookman hetjan í Bergamó - Nýliðarnir skelltu Sampdoria
Ademola Lookman skoraði annað mark sitt fyrir Atalanta á tímabilinu
Fabio Quagliarella bað stuðningsmenn Sampdoria afsökunar á tapinu
Mynd: EPA

Fjórir leikir fóru fram í Seríu A á Ítalíu í dag. Englendingurinn Ademola Lookman var hetja Atalanta í 1-0 sigrinum á Fiorentina og þá vann Sassuolo frækinn 5-0 sigur á Salernitana.

Lookman skoraði annað mark sitt í deildinni á tímabilinu fyrir Atalanta en hann kom til félagsins frá Leipzig í sumar. Hann er með þrjár stoðsendingar ofan á það og virðist vera að finna sig á Ítalíu.

Þetta mark hans gegn Fiorentina reyndist eina mark leiksins en Atalanta er í 2. sæti með 20 stig. Sassuolo vann þá 5-0 sigur á Salernitana þar sem fimm mismunandi leikmenn skoruðu mörkin.

Þórir Jóhann Helgason sat allan tímann á bekknum er Lecce gerði 1-1 jafntefli við Cremonese í nýliðaslag og þá vann Monza óvæntan 3-0 sigur á Sampdoria.

Monza og Lecce hafa gert vel af nýliðunum en Cremonese er eina liðið sem er í fallsæti af nýliðunum.

Úrslit og markaskorarar:

Atalanta 1 - 0 Fiorentina
1-0 Ademola Lookman ('59 )

Lecce 1 - 1 Cremonese
0-1 Daniel Ciofani ('19 , víti)
1-1 Gabriel Strefezza ('42 , víti)

Sampdoria 0 - 3 Monza
0-1 Matteo Pessina ('11 )
0-2 Gianluca Caprari ('67 )
0-3 Stefano Sensi ('90 )

Sassuolo 5 - 0 Salernitana
1-0 Armand Lauriente ('12 )
2-0 Andrea Pinamonti ('39 , víti)
3-0 Kristian Thorstvedt ('53 )
4-0 Abdou Harroui ('76 )
5-0 Janis Astinte ('90 )