sun 02.okt 2022
Steig upp á ögurstundu og hjálpaði liðinu að sækja sigurinn
Dagný Brynjarsdóttir skoraði þrjú mörk í leiknu, Eitt í venjulegum leiktíma og tvö í vítaspyrnukeppninni
Íslenska landsliðskonan Dagný Brynjarsdóttir sýndi það og sannaði í dag af hverju hún er fyrirliði West Ham United en hún átti stóran þátt í því að liðið vann London City Lionesses í enska deildabikarnum.

West Ham var tveimur mörkum undir þegar rúmar tuttugu mínútur voru eftir af leiknum.

Hamrarnir komu til baka og skoruðu, en seint í uppbótartíma jafnaði Dagný metin fyrir West Ham og kom liðinu í vítaspyrnukeppni.

Sú vítaspyrnukeppni var ansi löng, svo löng að Dagný tók tvær spyrnur og skoraði úr þeim báðum.

Það reyndist sigurspyrnan því lið London Lionesses skaut himinhátt yfir í þeirri næstu og vann því West Ham í vítaspyrnukeppninni, 10-9.

West Ham er með 2 stig í 2. sæti C-riðils í deildabikarnum og fær 2 stig fyrir sigurinn þar sem liðið vann ekki eftir venjulegan leiktíma á meðan London City fær eitt stig.