mán 03.okt 2022
Riðlarnir í Meistaradeild kvenna - Íslendingariðill og Sara mætir Lyon
Sara varð Evrópumeistari árið 2020 og 2022 með Lyon.
Glódís Perla og Cecilía Rán
Mynd: Fótbolti.net - Hafliði Breiðfjörð

Í dag var dregið í riðlakeppni Meistaradeildar kvenna sem hefst eftir tvær vikur. Forkeppnin kláraðist í síðustu viku og féllu Íslandsmeistarar Vals þá úr leik.

Sex Íslendingalið voru í pottinum. Í A-riðli mun Berglind Björg Þorvaldsdóttir mæta Chelsea og Real Madrid með liði sínu PSG. Í B-riðli eru Þýskalandsmeistararnir í Wolfsburg, Sveindís Jane Jónsdóttir er leikmaður liðsins.

Evrópumeistarar Lyon mæta Arsenal og Juventus í C-riðli. Sara Björk Gunnarsdóttir mun því mæta sínum fyrrum liðsfélögum í vetur.

D-riðill er svo Íslendingariðill því þrjú Íslendingafélög eru þar. Hjá Bayern Munchen eru þær Glódís Perla Viggósdóttir, Cecilía Rán Rúnarsdóttir og Karólína Lea Vilhjálmsdóttir. Hjá Rosengård er Guðrún Arnardóttir og hjá Benfica er Cloé Eyja Lacasse.

Riðill A:
Chelsea
PSG
Real Madrid
Vllaznia

Riðill B:
Wolfsburg
Slavia Prag
St. Pölten
Roma

Riðill C:
Lyon
Arsenal
Juventus
Zürich

Riðill D:
Barcelona
Bayern Munchen
Rosengård
Benfica