þri 04.okt 2022
Tuchel sagði strax nei við Leverkusen
Thomas Tuchel var rekinn frá Chelsea í síðasta mánuði og er þegar farinn að fá tilboð um að taka að sér nýtt starf.

Það kom mörgum á óvart þegar Todd Boehly, eigandi Chelsea, rak Tuchel eftir aðeins sjö leiki á tímabilinu. Tuchel fékk stuðning á leikmannamarkaðnum en forráðamenn félagsins ákváðu að skipta um stjóra.

Tuchel lýsti því yfir á samfélagsmiðlum að hann væri niðurbrotinn yfir því að missa starfið hjá Chelsea. Hann hafi elskað lífið hjá félaginu.

Þýskir fjölmiðlar segja að Bayer Leverkusen hafi haft samband við Tuchel en staða stjórans Gerardo Seoane er undir mikilli pressu.

Tuchel var þó fljótur að segja nei, hann hefur ekki áhuga á því að taka að sér starfið.

Spurning hvort sá þýski vilji taka sér lengra frí eða hafi einfaldlega ekki áhuga á því að starfa hjá Leverkusen sem er sem stendur í næst neðsta sæti þýsku Bundesligunnar.