þri 04.okt 2022
Marinakis bálreiður - Störf margra hjá Forest í hættu
Evangelos Marinakis.
Evangelos Marinakis, eigandi Nottingham Forest, er sagður bálreiður yfir slæmu gengi í upphafi leiktíðar. Nýliðarnir eru í neðsta sæti eftir fimm tapleiki í röð.

Daily Mail segir að Marinakis gæti framkvæmt hreinsanir hjá félaginu. Hann er að íhuga að reka stjórann Steve Cooper en fleiri gætu fokið.

Framkvæmdastjórinn Dane Murphy gæti einnig fengið sparkið en félagið fékk 22 nýja leikmenn til sín í sumar.

Stöður George Syrianos, sem er yfir innkaupum, og njósnarans Andy Scott eru líka í hættu.

Cooper náði frábærum árangri með því að stýra Forest upp í efstu deildina á síðasta tímabili, en liðið er í deild þeirra bestu í fyrsta sinn í 23 ár. Liðið var á botni Championship-deildarinnar þegar hann tók við í september 2021.

Rafa Benítez er sagður á blaði hjá Marinakis ef Cooper verður rekinn.