þri 04.okt 2022
U15 kvenna: Thelma Karen með fernu í sigri á Tyrkjum
Byrjunarliðið í dag.
Ísland 5 - 2 Tyrkland
Markaskorarar Íslands: Hrafn­hild­ur Salka Pálma­dótt­ir og Thelma Kar­en Pálmadóttir 4.

Íslenska kvennalandsliðið skipað leikmönnum 15 ára og yngri vann í dag 5-2 sigur á Tyrklandi í þróunarmóti UEFA. Mótið fer fram í Póllandi.

Ísland leiddi með einu marki í hálfleik og var það Hrafnhildur Salka Pálmadóttir sem skoraði það mark. Í hálfleik kom Thelma Karen Pálmadóttir inn á og skoraði hún fernu í seinni hálfleiknum. Þær tyrknesku jöfnuðu í 1-1 áður en Thelma Karen skoraði næstu tvö mörk. Þá minnkuðu þær tyrknesku muninn í 3-2 en Thelma Karen kláraði dæmið með tveimur mörkum á lokamínútunum.

Textalýsingu frá leiknum má nálgast í færslu KSÍ á Facebook hér að neðan. Næsti leikur Íslands er gegn Póllandi á fimmtudag.