þri 04.okt 2022
Championship: QPR lagði topplið Sheffield United
QPR vann toppliðið
Luton gerði sex marka jafntefli við Huddersfield
Mynd: Getty Images
Sex leikir fóru fram í ensku B-deildinni í kvöld en QPR vann óvæntan 1-0 sigur á toppliði Sheffield United á Bramall Lane.

Bristol City gerði markalaust jafntefli við Coventry City á meðan Cardiff City lagði Blackburn Rovers, 1-0. Mark Harris gerði sigurmark Cardiff þegar sjö mínútur voru eftir.

Í uppbótartíma gat Blackburn jafnað metin er liðið fékk vítaspyrnu en George Hirst var sendur á punktinn. Ryan Allsop, markvörður Cardiff, sá við honum og lokatölur því 1-0 fyrir Cardiff.

Luton og Huddersfield gerðu 3-3 jafntefli. Byrjunin var nokkuð skrautleg en Carlton Morris gerði fyrst sjálfsmark í liði Luton áður en Michal Helik gerði slíkt hið sama hinum megin á vellinum.

Luton var 3-2 yfir í hálfleik en Ben Jackson tókst að jafna metin þegar tuttugu mínútur voru eftir. David Kasumu, leikmaður Huddersfield, fékk rauða spjaldið í uppbótartíma.

Chris Willock gerði eina markið er QPR vann topplið Sheffield United, 1-0. Markið kom í upphafi síðari hálfleiks en United er enn á toppnum með 24 stig ásamt Norwich sem gerði 1-1 jafntefli við Reading.

Úrslit og markaskorarar:

Bristol City 0 - 0 Coventry

Cardiff City 1 - 0 Blackburn
1-0 Mark Harris ('83 )
1-0 George Hirst ('90 , Misnotað víti)

Luton 3 - 3 Huddersfield
0-1 Carlton Morris ('11 , sjálfsmark)
1-1 Michal Helik ('18 , sjálfsmark)
1-2 Jordan Rhodes ('32 , víti)
2-2 Elijah Adebayo ('37 )
3-2 Jordan Clark ('45 )
3-3 Ben Jackson ('70 )
Rautt spjald: David Kasumu, Huddersfield ('90)

Sheffield Utd 0 - 1 QPR
0-1 Chris Willock ('51 )

Sunderland 0 - 0 Blackpool

Reading 1 - 1 Norwich
0-1 Grant Hanley ('50 )
1-1 Jeff Hendrick ('60 )