Ásta EIr Árnadóttir fyrirliði Breiðabliks hefur skrifað undir nýjan tveggja ára samning við félagið.

Ásta lék aðeins 10 leiki í Bestu deildinni í sumar þar sem hún varð fyrir því óláni að rífa liðþófa á æfingu fljótlega eftir að EM pásunni lauk.

Hún á að baki 226 leiki með Breiðablik og skorað í þeim 12 mörk.

Hún er þrefaldur Íslands og bikarmeistari með liðinu. Þá á hún 11 A landsleiki að baki.

„Það er mikið fagnaðarefni fyrir Blika að Ásta Eir sé búin að skrifa undir nýjan samning. Við hlökkum til að sjá Ástu leiða Blikaliðið út á völlinn á komandi misserum," segir í tilkynningu Breiðabliks.