þri 22.nóv 2022
Orri Steinn gerði tvö þegar U19 tryggði sér sæti í milliriðli
Orri Steinn gerði tvö.
U19 landslið karla er komið áfram í milliriðla í undankeppni Evrópumótsins.

Strákarnir mættu Kasakstan og unnu þar sannfærandi 4-1 sigur. Þeir enda undankeppnina með sex stig.

Orri Steinn Óskarsson, leikmaður FC Kaupamannahafnar, skoraði tvö mörk í dag. Daníel Freyr Kristjánsson, leikmaður Midtjylland, og Hilmar Rafn Mikaelsson, leikmaður Venezia, gerðu þá sitt markið hvor.

Dregið verður í milliriðla 8. desember, en lokakeppnin fer fram á Möltu 3.-16. júlí.