þri 22.nóv 2022[email protected] Leikvangur í nærmynd: Í útjaðri eyðimerkurinnar
Ahmad Bin Ali leikvangurinn tekur 45 þúsund áhorfendur.
Ahmad Bin Ali leikvangurinn stendur í útjaðri eyðimerkurinnar í Katar og er einn af þeim átta völlum sem notaðir eru á HM í Katar.
Framhlið vallarins á að túlka sandöldur eyðimerkurinnar og verður heimavöllur Al Rayyan í Katar þegar mótinu lýkur.
Á svæðinu þar sem völlurinn var reistur stóð minni leikvangur og var byggingarefni frá honum notað.
Fyrsti HM leikurinn á vellinum fór fram í gær þegar Bandaríkin og Wales gerðu 1-1 jafntefli. Fimm aðrir leikir í riðlakeppni mótsins fara fram á vellinum og einn leikur í 16-liða úrslitum.
