þri 22.nóv 2022
Ronaldo yfirgefur Manchester United (Staðfest)

Manchester United er búið að staðfesta að Cristiano Ronaldo hefur spilað sinn síðasta leik fyrir félagið.



Man Utd hefur komist að samkomulagi við Ronaldo um starfslok. Rauðu djöflarnir eru ósáttir með viðtal sem Ronaldo gaf Piers Morgan þar sem portúgalska stórstjarnan fór ófögrum orðum um félagið sitt.

„Félagið þakkar honum fyrir stórfenglegt framlag yfir tvö tímaskeið á Old Trafford," segir í stuttri yfirlýsingu frá Manchester United.

Hinn 37 ára gamli Ronaldo, sem verður 38 ára í febrúar, er því frjáls ferða sinna.