fim 24.nóv 2022
[email protected]
Auðvelduðu vallarstarfsfólki vinnuna eftir glæstan sigur
 |
| Japan byrjar með stórkostlegum sigri á HM. |
Japan vann glæstan sigur gegn Þýskalandi í fyrsta leik sínum á heimsmeistaramótinu í gær.
Þjóðverjar voru mun sterkari aðilinn í fyrri hálfleiknum og þeir komust yfir er Ilkay Gundogan skoraði af vítapunktinum eftir að markvörður Japan braut af sér.
Japan, sem var bara 19 prósent með boltann í fyrri hálfleik, náði að jafna metin á 75. mínútu þegar Ritsu Doan skoraði og á 83. mínútu gerði Takuma Asano, sem leikur með Bochum í Þýskalandi, sigurmarkið.
Stuðningsfólk Japan var hresst í stúkunni á meðan leiknum stóð, en þau voru fljót niður á jörðina því eftir leik hjálpuðu þau vallarstarfsmönnum að taka til á leikvanginum. Leikmenn liðsins skildu klefann þá eftir í toppstandi.
Afskaplega vel gert en hér fyrir neðan má sjá myndir af þessu.
|
