mán 28.nóv 2022
HM í dag - Ronaldo og Richarlison stíga aftur á svið
Richarlison skoraði tvö gegn Serbum.
Á HM í Katar í dag verður leikið í G- og H-riðlum.

HM: G-riðill
10:00 Kamerún - Serbía
16:00 Brasilía - Sviss

HM: H-riðill
13:00 Suður Kórea - Gana
19:00 Portúgal - Úrúgvæ

Heldur brasilíska sambaveislan áfram?
Brasilía og Sviss unnu bæði í fyrstu umferð. Spennandi verður að sjá hvort Brassarnir, sem áttu frábæra frammistöðu gegn Serbum, haldi áfram sambaveislunni. Richarlison fór á kostum á fimmtudaginn og ætlar að taka markaskóna með sér í leikinn gegn Svisslendingum.

Ronaldo gegn Úrúgvæ
Cristiano Ronaldo skoraði eitt af mörkum portúgalska landsliðsins sem vann afskaplega nauman 3-2 sigur gegn Ganverjum í fyrstu umferð. Þrátt fyrir mikil gæði sóknarlega í úrúgvæska liðinu tókst því ekki að skora gegn Suður-Kóreu í fyrstu umferð. Markalaust jafntefli varð niðurstaðan.