sun 27.nóv 2022
Andri Lucas spáir í Spánn - Þýskaland
Andri í leik með Norrköping.
Spánn mætir Þýskalandi í lokaleik dagsins á HM. Um er að ræða seinni leikinn í 2. umferð E-riðils.

Spánn er með þrjú stig eftir öruggan 7-0 sigur á Kosta Ríka í fyrstu umferð en Þýskaland er án stiga eftir tap gegn Japan í fyrstu umferð.

Landsliðsmaðurinn Andri Lucas Guðjohnsen spáir í leikinn. Andri er leikmaður Norrköping í Svíþjóð en áður en hann fór þangað lék hann með unglingaliði Espanyol og B-liði Real Madrid.

Spánn 2 - 1 Þýsklaland
Held að Spánn taki þetta 2-1, þeir verða hættulegri og betri á boltanum með mikið posession og held að þeir munu komast í 2-0.

Þýskaland eru samt með snögga og tæknilega góða sóknarmenn og nýta sér líklegast eina skyndisókn til að skora í seinni hálfleik.