mán 28.nóv 2022
Xavi um Gavi og Pedri: Þeir gera gæfumuninn
Gavi

Gavi og Pedri miðjumenn Barcelona og spænska landsliðsins hafa vakið verðskuldaða athygli fyrir frammistöðu sína á HM í Katar.



Gavi er aðeins 18 ára gamall en Pedri er tvítugur. Gavi skoraði eitt marka Spánar í 7-0 sigri liðsins á Kosta Ríka í fyrstu umferð.

Xavi stjórinn þeirra hjá Barcelona hrósar þeim í hástert.

„Gavi er leiðtogi, hann sýnir gæði hvar sem er, hann er einstakur. Pedri er með undursamlega tækni, þeir gera gæfumuninni hjá okkur og með landsliðinu," sagði Xavi.