fös 09.des 2022
Zlatan vonar að Messi vinni HM
Zlatan Ibrahimovic vonast til þess að Lionel Messi hampi heimsmeistarabikarnum.

Zlatan og Messi spiluðu saman eitt tímabil með Barcelona 2009-2010 og hafa haldið sambandi síðan Svíinn yfirgaf Nývang og gekk í raðir AC Milan.

„Ég vona að Argentína vinni HM, vegna Messi," segir Zlatan en Messi hefur aldrei unnið heimsmeistaratitilinn. Þetta er hans síðasta heimsmeistaramót.

Argentína leikur gegn Hollandi í 8-liða úrslitum í kvöld.