mið 11.jan 2023
Dregið í undanúrslit deildabikarsins - Man Utd mætir Forest
Man Utd mætir Nottingham Forest
Dregið var í undanúrslit enska deildabikarsins nú rétt í þessu en Manchester United mun mæta Nottingham Forest.

Man Utd vann Aston Villa, Burnley og Charlton á leið sinni í undanúrslitin á meðan Forest vann Grimsby, Tottenham, Blackburn og Wolves.

Liðin mætast tvisvar í undanúrslitum en fyrri leikurinn er á City Ground, heimavelli Forest. Liðin mætast eftir tvær vikur þann 24. eða 25. janúar og svo fer síðari leikurinn fram á Old Trafford viku síðar.

Newcastle United mætir Southampton. Newcastle vann Tranmere, Crystal Palace, Bournemouth og Leicester á leið sinni í undanúrslitin en Southampton lagði Cambridge, Sheffield Wednesday, Lincoln City og Manchester City.

Fyrri leikurinn er spilaður á St. Mary's og sá síðari á St. James' Park.

Undanúrslitin:
Nottingham Forest - Manchester United
Southampton - Newcastle United