fim 12.jan 2023
[email protected]
Þóroddur Hjaltalín fastráðinn í dómaramál hjá KSÍ
Þóroddur Hjaltalín, fyrrum dómari, hefur verið fastráðinn hjá KSÍ og hefur þegar hafið störf.
Þóroddur var ráðinn í tímabundið starf hjá sambandinu á síðasta ári en er nú ráðinn til frambúðar.
Á meðal verkefna hans, samkvæmt heimasíðu KSÍ, má nefna stefnumótun í dómaramálum, fræðslu- og útbreiðslustarf og fjölgun dómara og þar á meðal sérátak í fjölgun kvenkyns dómara, auk annarra verkefna.
Þóroddur á að baki langan feril sem fótboltadómari og eftirlitsmaður, á innlendum jafnt sem alþjóðlegum vettvangi, auk þess að hafa setið í stjórn KSÍ og gegnt formennsku í dómaranefnd.
|
