mán 06.feb 2023
Háværar sögur um að búið sé að reka Marsch
Jesse Marsch.
Spænski fjölmiðillinn Revelvo segir að Leeds United sé búið að reka stjórann Jesse Marsch.

Enskir fjölmiðlamenn hafa svo tekið undir þetta en Leeds á þó eftir að staðfesta þetta.

Leeds tapaði gegn Nottingham Forest í gær, 1-0, þrátt fyrir að hafa verið mikið sterkari aðilinn í leiknum. Leeds er núna í 17. sæti ensku úrvalsdeildarinnar með 18 stig úr 20 leikjum.

Marsch tók við liðinu á síðustu leiktíð eftir að Marcelo Bielsa var rekinn. Hann rétt náði að bjarga liðinu frá falli úr deildinni.

Marsch, sem er 49 ára gamall, entist í starfinu hjá Leeds í rétt tæplega ár ef þessar fréttir eru sannar.

Sjá einnig:
Corberan orðaður við stjórastarf Leeds - Tekur Enrique við Chelsea?