Fram 2-3 Grindavík
Mörk Frammara: Jannick Pohl og sjálfsmark.
Mörk Grindavíkur: Einar Karl, Freyr Jónsson og Tómas Orri.

Bestu deildarlið Fram fékk Lengjudeildarlið Grindavík í heimsókn í gær í Úlfársdal í æfingaleik.

Heimamenn voru mun betri í fyrri hálfleiknum og leiddu leikinn með einu marki gegn engu. Í síðari hálfleiknum vöknuðu Grindvíkingar til lífsins og tóku yfir leikinn. 

Þeir skoruðu þrjú mörk í síðari hálfleiknum og unnu leikinn að lokum með þremur mörkum gegn tveimur. Einar Karl, Freyr Jónsson og Tómas Orri skoruðu mörk Grindavíkur í leiknum. Hjá Fram var Jannick Pohl á skotskónum en hitt markið var sjálfsmark.

Flott úrslit fyrir Grindavík en liðið hafnaði í fimmta sæti í sínum riðli í Lengjubikarnum. Þar vann Grindavík einn leik, gerði eitt jafntefli og tapaði þremur.

Fram lenti í þriðja sæti í sínum riðli.