Danski sóknarmaðurinn Allan Borgvardt gæti verið á leiðinni í íslenska boltann á nýjan leik en hann er með tilboð frá tveimur félögum hér á landi.
Allan sló í gegn með FH frá 2003-2005 en hann var tvívegis valinn besti leikmaður Íslandsmótsins.
Árið 2005 fór Allan til Viking í Noregi og síðan til Bryne þar sem að hann hefur leikið undanfarin ár.
Bryne á hins vegar í fjárhagsvandræðum þessa stundina og því má Allan yfirgefa félagið en þetta staðfesti Lars Bach Sörensen umboðsmaður hans við Fótbolta.net í dag.
Allan hefur fengið tilboð frá tveimur íslenskum félögum og einnig félögum í Bandaríkjunum, Danmörku og Noregi.
Allan er ennþá að æfa með Bryne en hann skoraði tvö mörk og var maður leiksins í 4-1 sigri á Vindbjart í æfingaleik í gær.
Í síðasta mánuði var Allan í viðtali á Fótbolta.net en þar sagðist hann ekki útiloka að spila aftur á Íslandi í framtíðinni og nú er möguleiki á að hann spili í Pepsi-deildinni í sumar.
Sjá einnig:
Allan Borgvardt: Mun kannski spila aftur á Íslandi
