Fótbolti.net

Pepsi-hringborðið - Rýnt í öll liðin og spáð í spilin fyrir mót

Elfar Árni og Hrannar - Bjuggust aldrei við að spila með KA

Óskar og Aron - Breytingar hjá KR, karfan og Peter Crouch

Gísli Eyjólfs og Arnþór Ari - Vissir um að geta endað ofar en Valur

Brynjar Ásgeir og Gunnar - Lofa að Grindavík skorar meira í sumar

Beggi og Gummi Kalli - Golf, fyrirlestrar og viðskilnaðurinn við FH

Atli og Sindri í Eyjum - Enginn veit hvað mun koma frá okkur

Albert og Ragnar fara yfir víðan völl - Fylkishjartað, tölvuleikir og hestar

Innkastið - Sófameistaratitill og Liverpool gestur

Gústi Gylfa kom í útvarpið - Stefnan sett á topp þrjá

Fótboltafréttir vikunnar - Ísland, Færeyjar og Meistaradeildin

Arnþór og Davíð Atla: Treysta á að Rikki T hrökkvi í gang

Bræðurnir í Keflavík: Liggur við að við förum í slag á æfingum

Návígi - Óli Þórðar

Útvarpsþátturinn Fótbolti.net 7. apríl

Innkastið - Nóg að frétta þrátt fyrir spennuleysi á toppnum

Vetrarverðlaunin - Þeir bestu á íslenska undirbúningstímabilinu

Landsliðsvalið fyrir HM - Reynt að lesa hugsanir Heimis

Blikar spýta í lófana og skýrsla úr sigri Liverpool

Návígi - Veigar Páll

sun 05.mar 2017 20:45

@fotboltinet

Útvarpsþátturinn Fótbolti.net

Jónas Þórhalls: Meðvitaðir um að þeir fara á stóra sviðið

Jónas Þórhallsson, formaður Grindavíkur.

Mynd: Fótbolti.net - Hafliði Breiðfjörð

Grindvíkingar eru á fullu að búa sig undir tímabil meðal þeirra bestu í sumar eftir að hafa náð að komast upp úr Inkasso-deildinni. Jónas Þórhallsson, formaður Grindavíkur. hefur mjög lengi verið í fararbroddi í fótboltanum í bæjarfélaginu.

Rætt var við Jónas í útvarpsþættinum Fótbolti.net á X-inu í gær og þar sagðist hann sannfærður um að liðið geti gert góða hlut í sumar.

Á meðan sjómannaverkfallið var í gangi talaði Jónas um að verkfallið hefði slæm áhrif á rekstur íþróttafélagsins.

„Manni fannst taka langan tíma að semja um einfalda hluti. Það er búið að leysa það og ég vona að allir við borðið séu sáttir. Við erum í því umhverfi að allir atvinnuhættir okkar eru tengdir sjónum. Þetta setti strik í reikninginn hjá okkur en við erum að reyna að ná samningum við þá aðila sem samningar runnu út við um áramótin. Það hefur gengið bærilega," segir Jónas.

„Það var ljóst í haust að það stefndi í verkfall, við vorum meðvitaðir um það og fórum ekki í neina áhættu. Við ákváðum bara að bíða og sjá. Styrking krónunnar hefur líka verið að valda okkur hugarangri. Við erum að flytja afurðir út en verðmæti þeirra hefur minnkað um 30%."

Meðal leikmanna sem Grindavík hefur fengið til sín eru Brynjar Ásgeir Guðmundsson og Sam Hewson sem komu frá Íslandsmeisturum FH.

„Við leituðum að gæðum, mönnum sem gætu styrkt okkur. Þessir tveir eru klárlega í þeim flokki. Svo erum við að ganga frá serbneskum leikmanni, vinstri vængmanni. Svo erum við með fínasta lið fyrir. Allir leikmennirnir frá því í fyrra eru meðvitaðir um að þeir séu að fara á stóra sviðið og hafa lagt mikið á sig."

Óli Stefán Flóventsson er þjálfari Grindavíkur og er að fara að stýra liði í fyrsta sinn í efstu deild. Jónas var spurður að því hvað einkenndi Óla sem þjálfara.

„Það er fyrst og síðast ástríðan. Þetta er heill og gegn drengur. Ég hef verið með hann frá því hann var polli. Hann hefur spilað 194 leiki í efstu deild fyrir Grindavík og þegar hann byrjaði sautján ára gamall var alveg ljóst hvað við vorum að fá þarna. Hann er frábær drengur," segir Jónas en Óla til aðstoðar er reynsluboltinn Milos Stefán Jankovic.

„Þeir eru alveg frábærir saman. Þeir gerðu það sem til þurfti til að fara með liðið upp. Næsta verkefni er að sanna sig í efstu deild og ég er sannfærður um að þeir setji mark sitt á deildina."

Viðtalið við Jónas er í heild í spilaranum hér að ofan en þar ræðir hann meðal annars um peningana í kringum reksturinn á íslenskum fótboltafélögum.

Sjá einnig:
Smelltu hér til að hlusta á ítarlegt viðtal við Óla Stefán Flóventsson - Úr útvarpsþættinum í október.

Athugasemdir

Nýjustu fréttirnar