Enska stórveldið Liverpool vill fá Skagamanninn, Björn Bergmann Sigurðsson á reynslu en þetta staðfesti Bjarni Guðjónsson bróðir hans í samtali við Fótbolta.net nú í kvöld.
Björn Bergmann hefur verið mjög eftirsóttur undanfarið en þessi 16 ára gamli framherji sló í gegn í sumar fyrir frábæra frammistöðu með Skagamönnum.
,,Þeir vilja fá hann á reynslu en hann er ekki búinn að ákveða sig hvort hann fer," sagði Bjarni í samtali við Fótbolta.net
Fleiri lið hafa áhuga á því að fá Björn á reynslu en eins og við greindum frá árið 2006 hafnaði hann því að fara á reynslu til Manchester Untied.
,,Það er mjög mikill áhugi fyrir honum en ég vil síður vera að nefna einhver nöfn," sagði Bjarni að lokum í samtali við Fótbolta.net nú í kvöld.
Sjá einnig:
Björn Bergmann neitaði Manchester United fyrir ÍA
