Þolinmæði og reynsla KR-inga var það sem skildi liðin af í kvöld, auk þess sem gæði knattspyrnunnar hjá KR var töluvert meiri. KR-ingar voru líklega 85% með boltann í leiknum. Vörn Eyjamanna hélt þó lengur en margur hefði trúað en það kom svo að því að KR-ingar nýttu sér ein mistök Eyjamanna sem tryggðu KR-ingum öll stigin.

Sigurmark Óskars Arnar tíu mínútum fyrir leikslok. Eftir að hafa átt tvær tilraunir í þverslánna í fyrri hálfleik virtist sem Guðjón Orri væri búinn að loka markinu hjá ÍBV. Guðjón gerði sig hinsvegar sekan um slæm mistök í markinu, hann fór út í fyrirgjöf Gunnars Þór sem hann náði ekki til og Óskar Örn skallaði boltann í autt markið.

KR-ingar eru komnir á topp deildarinnar og komnir á siglingu með þrjá sigurleiki í röð. Stigasöfnun Eyjamanna heldur þó áfram að vera hæg og sitja þeir á botni deildarinnar með eitt stig að loknum fimm umferðum.

Þrátt fyrir fína frammistöðu heilt yfir í leiknum, þá verður að viðurkennast að Guðjón Orri átti vondan dag og líklega ennþá verra kvöld framundan. Hann kostaði Eyjamenn stig í leiknum, eftir skógarúthlaup sitt í aðdraganda eina mark leiksins.

Átti í litlum vandræðum með að dæma þennan leik. KR-ingar vildu fá vítaspyrnu í fyrri hálfleik og einnig dæmdi hann mark af KR í seinni hálfleik.