Þótt vindurinn væri sá sem stjórnaði fyrrihálfleiknum þá var það sama ekki uppá teningnum í seinni hálfleik. Fylkismenn voru einfaldlega miklu betri aðilinn í leiknum. Þeir hefðu getað verið 3 ö 4 mörkum yfir í hálfleik en Richard markmaður Keflavíkur átti fínan leik í 45 mín. Í seinni hálfleiknum var hann þó eins og áður í vor og eins og allir samherjar hans í þessum leik, skelfilegur. Það þurfti því engan stórleik hjá gestunum til að klára þennan leik, en skal þó ekki af þeim tekið að þeir spiluðu sem ein sterk heild og hreinlega völtuðu yfir Keflvíkinga.

Annað mark Fylkis var lýsandi fyrir skort Keflavíkurliðsins á sjálfstrausti. Hinn Hollenski markvörður þeirra fór út í teiginn til að taka fyrirgjöf. Hann hikaði, misreiknaði boltaflugið og endaði á að brjóta klaufalega á Fylkismanni og gefa vítaspyrnu sem kláraði leikinn í raun.

Fylkismenn komust með sigrinum upp í þriðja sæti deildarinnar en Keflvíkingar sitja á botninum með ÍBV og einungis eitt skorað mark sem gerir það að verkum að þeir séu ekki í neðsta sætinu.

Allt Keflavíkurliðið átti skelfilegan dag. Það stóð ekki steinn yfir steini í leik liðsins. Spurning hvort endalausar hrókeringar Kristjáns þjálfara í liðsuppstillingu sé að skapa þetta óöryggi. Margir menn sem eru að flakka á milli staða í liðinu frá leik til leiks og jafnvel í einum og sama leiknum.

Gaf Ásgeiri Berki gult spjald í upphafi leiks og virtist gera sér grein fyrir að hann væri búinn að koma sjálfum sér í erfiða stöðu. Eftir það voru margar ákvarðanir hans skrítnar og átti erfitt með að halda einhverri línu. Frammistaða hans líkari frammistöðu heimamanna en gestanna.