Klaufaskapur Þórsara í föstum leikatriðum. Mörkin sem Þór fær á sig eru bæði klaufaleg mörk eftir hornspyrnur. Vanalega gengur þeim vel að ráða við þær en ekki í dag. Lið með gæði eins og Leiknir refsar fyrir svona mistök.

Markvarsla Eyjólfs gegn Jóhanni Helga. Í stöðunni 0-0 slapp Jóhann Helgi einn í gegn og virtist vera að setja boltann í netið þegar Eyjólfur kemur, teygir sig í boltann og ver glæsilega. Virkilega mikilvægt fyrir Leiknismenn að lenda ekki undir á þessum tímapunkti

Leiknismenn halda í við pakann í toppbaráttunni á meðan Þórsarar stimpla sig algjörlega úr henni. Mikilvægt fyrir Leiknis menn að vinna þegar öll liðin fyrir ofan sigra í umferðinni. Fjögur töp í röð hjá Þór er ekki boðlegt ef liðið ætlar sér upp í sumar.

Sandor Matus hefur oft spilað betur. Hefði mátt gera betur í báðum mörkum Leiknismanna. Sérstaklega í því seinna

Ben Toner dæmdi þennan leik ágætlega. Var mjög rólegur og var ekkert að spjalda menn mikið. Leyfði leiknum að fljóta og var ekkert að sækjast eftir sviðsljósinu.