Fyrri og seinni háfleikur voru eins og svart og hvítt. Eyjamenn hefðu í raun getað klárað leikinn í fyrri hálfleik en af því þeir gerðu það ekki voru þeir heppnir að ná í stig eftir seinni hálfleikinn. Samspil þess að ÍBV nýtti ekki færi sín og það hversu sterkir Þróttara komu inn í leikinn varð til þess að liðinu skiptu stigunum á milli sín í dag.

Þróttur var búið að sækja töluvert í seinni hálfleik og uppskar mark á 72. mínútu þegar Derby Carrillo missir boltann undir sig. Annar markmaður hefði líklega varið þetta og þá hefði þetta kannski verið önnur saga. Tökum smat ekkert af Þrótti fyrir þetta. Einnig er hægt að nefna dauðafæri Elvars Inga í uppbótartíma þegar hann þrusaði boltanum yfir í stað þess að leggja hann yfirvegað í hornið.

Voðalega lítið. ÍBV mistekst að koma sér frá fallsvæðinu og munu naga sig í handarbökin vegna þess. Þeir geta þó þakkað Fjölni að þeir séu ennþá 4 stigum frá fallsæti. Þróttur er enn 9 stigum frá öruggu sæti og þarf ansi margt að gerast til að þeir falli ekki.

Eins lélegir og Eyjamenn voru nú í seinni hálfleik, þá var Derby Carrillo, í marki Eyjamanna, í alls konar veseni og það voru á endanum hans mistök sem kostuðu ÍBV þrjú stig þegar hann missir skot Þróttar inn í eigið mark.

Var með góða stjórn á leiknum, það var spurning um víti undir lokin hjá Eyjamönnum en fyrir utan það átti hann afbragðsleik. Ekki mikið hægt að setja út á hans frammistöðu, þó hann hafi ekki verið önnum kafinn.