Skagamenn voru einfaldlega bara betri í þessum leik. Voru áræðnari í öllum sínum aðgerðum á vellinum á meðan Víkingar virkuðu alveg rosalega áhugalausir í þessum leik.

Markið hjá Tryggva Haralds. Búinn að vera flottur í sumar hjá Skagamönnum en var ekki búinn að skora þrátt fyrir nokkur í tækifæri. En í kvöld kom það. Tók boltann viðstöðulaust og hamraði hann á nærstöngina. Virkilega huggulegt mark fyrsta mark í efstu deild.

Skagamenn eru að blanda sér af alvöru í baráttu um Evrópusæti á næstu leiktið, eitthvað sem ekki margir spáðu fyrir tímabilið, sennilega bara mjög fáir reyndar. Víkingar hins vegar bara fjarægast þann draum og sigla lygnan sjó um miðja deild.

Viktor Bjarki Arnarson fyrirliði Víkings var alveg rosalega slakur í fyrri hálfleik og var tekinn útaf í háflleik. Reynslubolti eins og Viktor Bjarki á bara einfaldlega að gera miklu betur.

Helgi Mikael átti virkilega flottan leik. Ein og ein aukapsyrna kannski sem mátti dæma en annars bar lítið á honum sem er alltaf gott. Öll spjöldin hárrétt.