Alex Freyr sendir boltann í gegn og Sigurpáll sem er ekki rangstæður er að fara ná til hans þegar Bubalo tekur hann og er flaggaður rangstæður réttilega. Sigurpáll var alls ekki sáttur með liðsfélaga sinn enda var hann í dauðafæri sjálfur.

Það þarf eitthvað mikið að breytast til að þessi leikur endi ekki markalaus, ekkert að frétta!

Dauðafæri! Alex Freyr með glæsilegan bolta í gegn á Hlyn sem er ekki rangstæður, hann lætur Guðjón verja frá sér einn á einn, þarna verður maður að skora!

Elvar Ingi er stálheppinn að hanga inná vellinum, stoppar skyndisókn Frammara með að hrinda Benedikt. Samkvæmt reglunum er þetta alltaf gult!

Ivan Martinez með fínan bolta inná teig en það er enginn mættur, liðin virðist vera forðast það að sækja.

Þarna kom loksins almennileg marktilraun, Andy Pew fær hörkufæri og skýtur góðu skoti sem Hlynur ver meistaralega í horn. Ekkert kom uppúr horninu.

Gjörsamlega steindautt ennþá hérna á þjóðarleikvangnum, hvorgut liðið að sækja að neinu viti. Þetta er alveg skelfileg leiðinlegur leikur hingað til.

Hornspyrna Selfyssinga ratar beint á James Mack sem skallar rétt yfir.

Þorsteinn með lúmskt skot rétt yfir utanaf vinstri kantinum, þana munaði ekki miklu.

Sigurpáll dansar með boltann fyrir utan teig og fer framhjá manni og öðrum, endar með að taka skotið með vinstri rétt fyrir utan en hittir ekki markið, flottir taktar þarna hjá fyrirliðanum!

Sigurpáll með langt innkast á Bubalo sem nær að pota honum á markið en Guðjón ver mjög vel!

Ungir stuðningsmenn Frammara eru farnir að taka víkingaklappið, líklega það merkilegasta sem er búið að gerast hingað til.

McIntosh straujar Hlyn eftir að hann grípur boltann, Hlynur liggur eftir og þarf aðhlynningu, dómarinn gefur McIntosh bara tiltal við litla hrifningu stuðningsmanna Fram sem púa hressilega á hann!

Selfyssingar fá hornspyrnu sem þeir taka stutt, fyrirgjöfin sem kom í kjölfarið var hinsvegar ömurleg.

Benedikt missir boltann inní teig en nær að bjarga eigin skinni með frábærri tæklingu.

Guðmundur sér að Guðjón er langt úti og tekur skotið frá miðju, lyftir hinsvegar varla boltanum og tilraunin afleit!

Frammarar í fínni sókn sem endar með að Hlynur Atli tekur skotið, en það er langt framhjá.

Það er ekkert búið að gerast í þessum leik, alveg gjörsamlega steindauður leikur hingað til, vonandi fer það að breytast!

Þorsteinn með góða hornspyrnu sem skapar usla, á endanum koma Frammarar hættunni frá.

Benedikt Októ sem er í hægri bakverðinum hjá Fram í dag er að reyna mikið af löngum og erfiðum boltum, hefur enn ekki hitt samherja.

Þorsteinn Daníel með góða fyrirgjöf inní teig á Uxann, sem skallar boltann rétt yfir.

Helgi kemur með góða aukaspyrnu beint á hausinn á Guðmundi sem skallar, en Guðjón Orri ver vel.

Gylfi Dagur tekur Bubalo niður á hægri kantinum, aukaspyrna á fínum stað fyrir Fram.