Liðin ganga til vallar Liðin ganga inn á völlinn við mikið lófaklapp, nú styttist í að þessi veisla hefjist!
Vanda Sig, formenn félaganna og heiðursgestir taka í hendur á leikmönnum.

Alvöru stemning Stuðningsmenn beggja liða byrjaðir að syngja og tralla 30 mínútum fyrir leik, til fyrirmyndar.
KFG með máv sem lukkudýr!

Byrjunarliðin komin inn! Allt óbreytt hjá Víði frá síðasta leik.

Ein breyting hjá KFG þar sem fyrirliðinn Birgir Ólafur kemur inn í liðið á kostnað Guðmundar Thors.

Sigurður Ingvarsson og Lárus Guðmundsson heiðursgestir Sigurður Ingvarsson, af mörgum kallaður „Guðfaðir knattspyrnunnar í Garði“ er maður sem er með sannkallað Víðishjarta, sem ennþá mætir á völlinn og lætur í sér heyra.
Sigurður hefur víða komið að uppbyggingu hjá Víðisfélaginu, sem leikmaður, þjálfari og formaður félagsins.

Lárus Guðmundsson er stofnandi KFG, hann var lengi vel formaður og þjálfari félagsins og nafn hans verður alltaf samofið félaginu. Lárus vildi skapa fleiri tækifæri fyrir knattspyrnumenn í Garðabæ og barðist mikið fyrir félagið enda alltaf haft óbilandi trú á verkefninu og líklega sá hann það seint fyrir sér að liðið kæmist í bikarúrslit á Laugardalsvelli.

Fyrri viðureignir liðanna Síðast mættust þessi lið 22. júlí í fyrra, í 3. deildinni, og þá enduðu leikar 3-3 í Garðinum. Liðin hafa alls mæst 12 sinnum, fyrst 2011. Víðir er með 6 sigra, KFG 4 sigra og 2 leikir hafa endað með jafntefli.

Stemning á Dúllubar

Ein vintage ?@KFGofficial? koma svo mínir menn! pic.twitter.com/iAQ4xmEKNk

— Hawk Football Artist (@hawk_attacks) September 29, 2023

Baldvin Borgars rýnir í liðin Baldvin Már Borgarsson aðstoðarþjálfari Ægis, er sérstakur sérfræðingur Fótbolti.net bikarsins og rýnir hann hér í liðin.

Styrkleikar Víðis
Þeir eru sterkir á heimavelli sem er góður grasvöllur, svo Laugardalsvöllur er völlur sem gæti hentað þeim betur en mótherjanum, enda æfa og spila Víðismenn á grasi.
Liðið er þétt og vel skipulagt af Svenna þjálfara sem er mjög agaður þjálfari. Víðismenn eru með gríðarlega mikil gæði innan liðsins sem geta töfrað fram hluti upp á einsdæmi, sterkir erlendir leikmenn i bland við Tómas Leó, Helga Þór, Bessa Jó, Atla Ottesen, Ara Stein, Aron Frey og Nemanja Latinovic sem allir hafa talsverða reynslu úr sterkari deildum en 3. deild.



Styrkleikar KFG
KFG liðið hefur verið gríðarlega sterkt síðustu ár í að liggja djúpt, verjast og keyra upp í skyndisóknir, en með tilkomu Jonna Barðdal og nokkurra ungra og efnilegra drengja úr langbesta 2. flokki landsins hjá Stjörnunni ásamt auðvitað þeirra gæða leikmanna sem fyrir voru í liðinu.
Þessar breytingar á hópnum hafa gert KFG liðið aðeins öðruvísi en undanfarin ár, þar sem þeir geta stjórnað leikjum með boltann mun betur en áður, Jonni Barðdal verður langbesti maður vallarins enda á hann bara að vera í efstu deild, svo góður er hann.
Garðbæingar munu líklegast þurfa að sýna frumkvæði í leiknum enda deild ofar en Víðismenn.

Leiðin á Laugardalsvöll Leið Víðis í úrslitaleikinn
Víðismenn enduðu í 4. sæti 3. deildarinnar í sumar. Þeir sátu hjá í 1. umferð Fótbolti.net bikarsins en komu inn í 16-liða úrslitum þar sem þeir rúlluðu 5-1 yfir Hvíta Riddarann.

Í 8-liða úrslitum vann Víðir 2-0 sigur gegn Völsungi og svo 2-1 sigur gegn KFK í undanúrslitum síðastliðinn laugardag. Aron Freyr Róbertsson skoraði bæði mörk Víðis, eftir að KFK komst yfir.


Leið KFG
Knattspyrnufélag Garðabæjar endaði í 8. sæti 2. deildarinnar í sumar. Liðið fór létt með Sindra 5-1 í 1. umferð Fótbolti.net bikarsins og vann svo 2-0 útisigur gegn grönnum sínum í Augnabliki í 16-liða úrslitum.

KFG mætti svo ÍH í Hafnarfirði í 8-liða úrslitum, sá leikur endaði 2-2 og fór alla leið í vítakeppni þar sem KFG vann 3-2 sigur. Liðið fór austur í undanúrslitum og vann gríðarlega öflugan 1-0 útisigur gegn KFA. Jón Arnar Barðdal skoraði þar eina mark leiksins á 3. mínútu.

Miðasala í fullum gangi! Það er spáð frábæru veðri 9 gráður og sól, svo það er um að gera að skella sér á völlinn!
Tryggðu þér miða hérna

Fyrir þá sem komast ekki á völlinn er leikurinn sýndur í beinni á Stöð 2 Sport 5.

Úrslitaleikur ástríðunnar! Góðan og blessaðan daginn kæru lesendur og veriði hjartanlega velkomin í þráðbeina textalýsingu frá úrslitum Fótbolta.net bikarsins. Hér mun Víðir Garði keppa gegn KFG og mun sigurvegarinn lyfta Fótbolta.net bikarnum í fyrsta skipti.